حضرت خواجہ بہاء الدین نقشبند رحمتہ اللہ علیہ
اس دیار میں حضرت کی ملاقات خواجہ نقشبند رحمتہ اللہ علیہ سے ہوئی، حضرت سید عبدالرزاق کاجب تعارف حاصل ہوا تو انھوں نے بھی آپ کو اپنی خصوصی دعاؤں سے نوازا۔
خواجہ نقشبند رحمتہ اللہ علیہ نے سالکوں کی تعلیم وتربیت کے لیے ایک نیا طریقہ اختیار فرمایا تھا، اور اپنے مریدین اور طالبین کو اسی طریقے سے معرفت الٰہی تک پہو نچاتے تھے۔ کچھ لوگوں نے ان سے پوچھا کہ آپ نے یہ مشرب کیوں اختیار فرمایا؟ آپ نے فرمایا کہ اس زمانے کے طلباء کم ہمت ہیں، جو را ہِ سلوک کے مصائب کا مقابلہ نہیں کرسکتے، اس لیے میں انھیں مختصر سلوک سے مقصد تک پہونچا دیتا ہوں، آپ نے مثال دے کرسمجھایا کہ ایک شخص قافلے کے ساتھ کوہستانی راستہ سے سفرکرے اوردوسرا کشتی میں بیٹھ کر کعبہ دونوں پہونچیں گے؛ لیکن ایک جلد پہونچے گا اور دوسرا دیر میں۔
حضرت غوث العالم کے سامنے کسی نے خواجہ سے پوچھا کہ آپ کا سلسلہ کہاں تک پہونچتا ہے؟ فرمایاکہ کوئی سلسلہ کسی جگہ نہیں پہونچتا، سلوک صورت پر نہیں ہوتا، بلکہ سلسلۂ معنوی سے ہوتا ہے اور وہ ایک ہی ہے۔ ایک شخص نے خواجہ سے پوچھا کہ آپ کے طریقہ میں ذکر جہر در خلوت ہے یا نہیں؟ فرمایاکہ خلوت در انجمن ہے ظاہربخلق باطن بحق۔
دل و جانم بتومشتول نظردرچپ راست
تانہ دانند رقیباںکہ تو منظور منے
میرا دل وجاں تم پر فریفتہ ہے لیکن نگاہیں ادھر ادھر ہیں تاکہ
رقیبوں کو پتہ نہ چل سکے تو میرا منظور نظر ہے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972